MacBook Pro续航报大数喇叭开孔係装饰?

2020-06-07  阅读 470 次

MacBook Pro续航报大数喇叭开孔係装饰?

早两日带TouchBar嘅新MacBook Pro登陆本港各大Apple Store,唔知巴丝有冇去试吓部实机然后畀钱埋单呢?Business Insider同The Verge试完就唔多满意,讲紧嘅唔係冇接口、用唔惯TouchBar,而係续航力似乎冇官网所讲嘅长。iFixit亦指出开孔跟喇叭实际位置不符如同虚设。

Apple官网规格标示今代MacBook Pro充电后使用时间可长达10小时,「长达」两字代表实际使用有差距,但落差比想像中大。Business Insider负责测试嘅编辑称,即使调低亮度13吋新MacBook Pro只足够用8个钟,若调光则下降到6个钟。The Verge编辑有同样情况,5个半钟电量已见底。

基于人人使用习惯各异,佢哋可能係个别例子,但Business Insider话最令人失望嘅係以前MacBook Air官网标12个钟,实际用到14个钟,如今掉番转头,感觉Apple变咗质。至于iFixit拆解13吋TouchBar型号都有新惊喜:键盘两侧开孔下并冇喇叭,真正摆位係左下同右下角,与其话啲声经开孔扩散,倒不如话係从机底边位啲出气口漏出嚟。不过眼利嘅网民发现其实Apple官网已经出图解释咗,只係冇咩人留意。

MacBook Pro续航报大数喇叭开孔係装饰?
◆ 红色框係开孔,但橙色框至係真正嘅喇叭位MacBook Pro续航报大数喇叭开孔係装饰?
◆ 原来官网偷偷地「图解」咗

上一篇:
下一篇: