Samsung 智能雪柜索价四万几 有乜咁巴闭?Samsun

2020-06-08  阅读 487 次

Samsung 智能雪柜索价四万几 有乜咁巴闭?Samsun

利用屏幕就可以足不出户咁买餸喇,最啱繁忙都市人。

雪柜外形除咗多个触控屏之外,无咩特别。屋企人可以透过屏幕睇到天气同日曆等,亦可以写低「今晚唔食饭」哩啲留言,仲可以利用附设购物程式。用 MasterCard 过数网上买餸,都咪话唔方便,会唔会大洗咗就真係试过先知。最好就係佢内置镜头,唔使开雪柜就知入面有乜,连接埋装咗相应程式嘅手机,唔使记低补仓要买咩,即时喺超市睇手机就知喇。

Samsung 智能雪柜索价四万几 有乜咁巴闭?Samsun

成日唔记得啲餸几时过期?买返黎之后,用佢就可以记低过期日数喇。

有无试过成日都唔记得雪柜有咩,搞到啲食物坏咗发臭先知呢?最啱繁忙都市人嘅,就係记低雪柜入面饮品食品仲有几耐过期嘅功能。哩个功能提供日数标籤,只要拉到相应食品饮品上,咪可以清晰了解佢地仲有几多日够期啰。咁如果个雪柜满晒,后面啲食品被遮住,咪又会唔知啰?

哩个雪柜可以为大家带来方便,只不过索价四万几,不如大家乖乖地,勤啲留意个雪柜入面有咩食仲好啦。再唔係,贴多几块告示贴,提醒自己啲餸几时够期咪仲好。

来源:Cnet

上一篇:
下一篇: